"أعزك"
والسكوت أبلغ مدام إن الحكي قصر
مدامه مابقى في الغلا كلمة لين قلناها
ولا "كفت " ولا "وفت"
وأحس إن الغلا يكبر
تعداها اللغلا وكل الحروف اللي نطقناها
يبيلي أبجدية من جديد لها حروف أكثر
عساني ألقى بها كلمة غرام ماحكيناها
أبي كلمة " لها إحســـاس " أبي كلمة
على بال البشر مرة ولا تخطر
أبيها سهلة " لا نطقناها "
صعب باليل" معناها "
أبيها
أغلى من الجوهر
أبيها
"أحلى من السكر"
أبيها
"أزكى من أنفاس الزهور اللي جمعناها"
أبيها
"لــك" ولا "غيرك
بيوصلها .. ولا يقدر
وإذا انقالت لغيرك "يابعد عمري"
ظلمناها
تعال ندور لكلمة
نحاول قد مانقدر
وأحس إن السكوت ابلغ إذا حنا
!! ~ ما لقيناها ~ !!
**********************************
منقول
No comments:
Post a Comment