جه يوادعني ويقول:ء
يمكن الرحله تطول....وان خذاني الوقت عنك أوتعديت الاصول
لاتعاتبني حبيبي..مابيدي غير وداعك..ء
*****************
ليــــه صاحي ؟؟!!ء
أدري فيك ...إنتْ مو عارف تنام
!!جاك " طيفي " ..وإنكسرت !!ء
وإبتدى فيك الذهول ...ء
وعيَّا صبرك لا يطول ...!!ء
وإكتشفت إنِّك ( تبيني ) ء
!!بس ..تعال ..آنا ويني !!آنا ويـني ؟
وإنت وين !!؟
آآآهــ يا طول " المسافه "آهـ يا بُعد الطريق ..!!ء
الدروب اللي جمعتنا ..لييييييييه ضاقت ؟
وليه بس قلوبنا صارت تخاف !!ء
والأماني اللي رويناها أمست" جفاف " ..!!ء
والله ضاااايق يا بشر ..وضاق فيني هالصبر ..!!ء
وماتغير أي شي ..هذا إنت وهذا آنا ..وبيننا [ كومة مآسي ]ء
جرح / ياس / خوف / ألم
وإحتضااار ........!!ء
إنت صاحـي ؟
منقول
سؤال: الفراق له لون؟
سؤال ثاني : ليش أحس الدنيا خلت؟؟ وكل أحبابي حوالي!!!ء
هو صحيح هالبيت:ء
الخلايق عقبكم لا ماتسلي ...لو أعز الناس عندي يجلسون؟
16 comments:
إختيار موفق لكلمات روعه
WELCOME 2 the bloggers world :)
kulo mashy ya 7abeeb..mali fe al6ayb n9eeb...
post jameel
همسة التحنان
كلك ذوق
ابيات جميله
انا استمتعت وانا اقراها
............
بالنسبه لسؤالج الاول
ان كان للفراق الوان
فأكيد راح احرص انها ما تكون بمرسمي
...............
السؤال الثاني
صحيح هالبيت
سمعي اغنية
تصوّر
لعبدالله رويشد
وراح تعرفين الاجابه
لو خلت هالديره من عينك ولا تعود
ينبت عليها الخزن واصير انا كالعود
شوف الالم ما برح في مهجتي والعين
..........
سمعيها
hamdool
صباح الخيرات
ترحيبك اسعدني
وتعليقك كذلك
bo9ali7:
مالي في الطيب نصيب
يمكن
لكن كيف تقنع بهالكلام قلبي؟
MANAF:
الابيات ناقلتها بس احسها تشرح شعور موجود فيني
شهاده اعتز منها من انسان مثلك يقدر الحروف
اغنية تصور تشرح حال كل انسان يعيش الفراق
شكرا مناف
همسة التحنان
الفراق يخلي كل شي امقفي
الالوان اهي الالوان والاماكن اهي الاماكن بس مادري اشلون الشعور فيها يتغير
ويخلينا انحس بجمود وهدوء مزعج
صباح الخير
كلامك صح
كل شي يتغير ,
ذكرتيني بمقطع من اغنيه
شسوي ان صارت الدنيا صغيره بعدك بعيني
شكرا سالفة قلب نورتيني
1-رمادي
2-الاحساس بالوحشة
3-حتما نعم
مناف
تصور يبتها صح
الخلايق عقبكم لا ماتسلي ...لو أعز الناس عندي يجلسون؟
كثير رائع هالبيت
ما يسلي الاحباب
الا وجود احبابه جنبه
اختياراتك كثير حلوة
صح لسانج الصراحة واسميها قصيدة الطراق :)
لانها كانها صفعة
اختيار جميل ويكسر القلب
حسيت بالكلمات وآنا أقراها
أما سؤالج هل للفراق لون؟
لونه صعب أسود
أشوفه يطغى على باقي ألوان الحياه
SolaimaN:
اي والله ياسليمان لون ذا الليله رمادي
اجاباتك مختصرة ومؤلمه
الوجد:
من ذوقك والله
انتي بعد عندك احساس مرهف
واسمك يعبر عن انسانه فيها مشاعر جمه
Mishari:
طراق يامشاري ..!!
ضحكتني والله
تعبيرك فيه كمية عنف
جنون إحساس:
بالفعل ياجنون كل احساس
ان الفراق يطغى على كل شي
سعيده انك معايا
Post a Comment