مشاعري نحوه صامته لايسمعها الا قلبه
(علمتني كيف "أعزك"دوم بسكات)
أطبقت على حروف الحب صمتي
وكلما اشتاقت عيني لعناق عينه تنصهر
نظراتي في عينيه
لنبدأ معاً حديث الشوق الذي لايتعدى الثانيه
احبــــــــــك ولكن...من يعرف اني احبك ؟
سوى ربـــك وقلبي
والوساده
وليل الشوق اللي تسهره عيني
ودمعي يوم خانتني الإراده
فخمس شهود عندي
تأكدلك وتعطيك الافاده
منقول
منقول
معه ينتحر الوقت
ويتسارع كلٌّ منّا ليُخبِّأ ذلك الحدث داخل عينه
بعدما تنفسنا أثير الحب
يعود كل شيء على ماكان عليه
وتعود ملامح الصمت على وجهي
وينكسر شيءٌ في قلبي
وأجمع بعثرة أحاسيسي
وألملم نفسي وأطلق تنهيدة وجع
لأستنشق بعدها حبه وأقول لنبرة الآه في صدري:ء
يحبني أدري.. بس بينه وبيني
22 comments:
ليه مشاعرك
نحوه صامتة؟؟
ليه ما تبوحين بها
كثير حلو ان الاحباب
يتصارحون بمشاعرهم
مدونة رائعة
يا حلووو الحب الصامت
رغم انه يعذب
.
.
نحتاج للبوح حتى نرتاح
وحتى يزيد الحب ونعيشها كأجمل ما يكون
رائع هو احساسك
عزيزتي همسة...
مشاعري نحوه صامته
لايسمعها الا قلبه
(الصمت هو لغة الميت عشقا)
صدقيني
فمن أين له بحياة أخرى
ليتمكن من البوح؟؟؟؟
"
وكلما اشتاقت عيني لعناق عينه تنصهر نظراتي في عينيه
"
ربما تشيحين بنظرك
الى يديه
للعيون سحرها
وخجلها الخاص
وان كانت بأمس الحاجة
ولو لنظرة أخيرة ...
-لها جوع اشد من جوع البدن-
"
معه ينتحر الوقت
"
طوعا او كرها..فلايحتمل
كل تلك الجزيئات المشحونة
بالعاطفة..
"
بعدما تنفسنا أثير الحب
يعود كل شيء على ماكان عليه
"
تخبئين اثر جريمتك العاطفية
بمسح باطن يدك
على خديك المتوهجين..
عله تبرد ولو قليلا
تلك الحمى المؤقته..
"
وينكسر شيءٌ في قلبي
وأجمع بعثرة أحاسيسي
"
ماااأسوأ الانكسار
وما أثقل وطأ
جمع بعثرة الاحساس..
-ارحميني-
"
وألملم نفسي وأطلق تنهيدة وجع
"
:(
::يحبني أدري.. بس بينه وبيني::
هذا اشد ماااكتبته
لحد الان
تكفيني هذه الجملة..
عن كل ماقرأت
دمتي راقية أختي
يرعاك الرحمن
مؤلم الحب الذي لا نراه بعيون من نحب
رديني لعـيونك .. أرجـوك .. رديني .. ماابي أحـد ما ابيني
ابـي عــيـونـك .. بـس .. تـكــفـينـي .. تـكـفـيـني
*بدر بن عبدالمحسن
لولوه
كلمات جميلة أختي
آنا شخصياً ما أفضل الحب الصامت
ما ايي من وراه إلا العذاب,
:)
دمتي بكل الخير
أقدر أسميه نفس الحب من طرف واحد يعذب نوعاً ما بس هم له طعم خااص :)
يالله عادي تصير بأحسن العوايل ^__^
روعه
حقيقة جدا روعه
مدونتج مليئة بالمشاعر
تسلمين على روعة الأحساس
يحبني بينه وبين نفسه
اقول لج شي
اشعاع الحب
او طاقة الحب ان صح التعبير
قادره توصل للشخص المناسب او المعني
بأي وقت نبي
حتى لو ما نبيّن
..
في دراسه اهتميت فيها تخص هالنوعيه من العلاقات
..
مثال
لو نزور بيت ناس وقبل وصولنا لهالبيت كانت في مشكله كبيره صايره
راح تلاقين ان طاقة الشر موجوده للحين بالمكان وسبحان الله راح يقمتج قلبج وتحسين انه ودج باقرب وقت تتركين هالمكان
..
والنقيض
لو تزورين بيت كله حب وروح وفرح وود والفه راح تحسين بجاذبيه تخلي الوقت يمر عليج بدون ما تحسين
يعني هيك شي
:)
وسامحيني على التفلسف
صباح الفل عزيزتى
من طرف واحد تقصدين
والا فى احساس بالمشاعر بس ناطره خطوة التقدم منه؟؟
لا تصمتين اذا ما في ظروف تمنع
لا اتعبين نفسج
عذاااب هذا النوع الى من طرف واحد
:)
خوش حجى:) بس ذكرتينى باغنية اربع سنين انتطالع بالعيون
اختى الكريمة
يوجد تصويت لدي بالمدونة الرجاء التكرم بالتصويت لافضل نائب وهي المرحلة الاولية قبل التصفية
شكرا مقدما
الوجد:
يووووه يالوجد هذي حكايه طويله
شرفتيني ونورتيني
شهد:
الحب الصامت يوجع القلب
بس صدقيني لما تعرفين ان القلب الثاني يبادلك اياه يخف وجعه
روح:
ماشاءالله عليكي وعلى كلامك
كنك حاضره الموقف
روعه والله روعه
لولوه:
اختيار راقي منك
لابيات الامير بدر بن عبدالمحسن
شرفتيني
جنون احساس:
صامت...بس بيني وبينه له صوت
نورتيني
U_SF:
طعم خاص..صدقت
:)
7osen:
تسلم انت على ردك
لاهنت
MANAF/
لاوالله كلامك مافيه اي تفلسف كلامك مية بالميه صح
وصدقني ان اشعاع الحب ادري انه يوصل
لقلب اللي نحبهم
شكرا مناف
charisma:
صباح الابتسامه الحلوة
لاياحبيبتي الحب الصامت اللي اقصده غير عن اللي تقصدينه
مرات تحبين ناس ودك تصرخي باعلى صوتك وتقولين للي حواليكي احبهم بس لانك تدرين انك راح تجرحين ناس ثانين فتسكتين
فهمتي قصدي؟
Mishari:
من وين طلعت هالاغنيه
؟؟
شكرا وشرفتني
من اللي كتبتيه
آنا حسيت إن الحب من طرف
واحد وغير متبادل!! يعني
لما قلتي يحبنب أدري
بس بيني وبينه
آنا ما حسيت بهالشي
الحب من طرف واحد قاتل
وما يوصل لنتيجه
تسلم أناملج اللي كتبت هالموضوع
Post a Comment