ممكن أسأل
وشفيها لو مره جيتك
أشتكيلك هموم قلبي
من غيابك
وعن غيابك
جيتك أسأل
يعني دنياك بدوني
نفس هالدنيا وإنت معاي ؟؟
أنا ما جيت ألومك
أو أعاتب
أنا بس جيت أسال
ليش غايب ؟؟
ليه تتأخر علي ؟؟؟؟؟
يعني ماتدري بأني
لو أشوفك
لو دقيقه
مابي من الدنيا شي
آآآآآآه ياذاك الكلام
طيب إن مرت عيوني في منامك
ياترى تقدر تنام ؟؟
أنا ما جيت أحنن
قلبك علي
أنا بس جيت أسال
وإنت غايب عن عيوني
ياترى تقدر تنام ؟
ياشعوري
اللي انذبح في غيابك
وماحسبت فيه حسابي
كأنه ألف نجمة تنطفي
وكأنه ألف عام يختفي
ايديني
أحس في برد
برد
يدخل في ايديني
حتى عيني
وين راح نور عيني ؟
قمت أحس أطرافي تذبل
قمت أحس عظامي تثقل
قمت أحس بشي كبيييييير
وبدا من داخلي يرحل
وصار دمي يفور
قمت أحس الدنيا بغيابك
فيني قامت تدور
وأنا وياها أدور أدور
ليش تتأخر علي ؟
يعني ماتدري بأني
لو أشوفك
لو دقيقه
مابي من الدنيا شي
مابي من الدنيا شي
مابي من الدنيا شي
مابي من الدنيا شي
جوري
6 comments:
كلام جميل وفيه من الحنين والعتاب الخفيف بنفس الوقت ..
كلام معبّر عن شوق دفين ..
الله يرد الغاليين .. آمين
الله يعطيج العافيه على هالكلمات الرائعه وشكراَ ^_^
يعني دنياك بدوني
نفس هالدنيا وإنت معاي ؟؟
--
تساؤل يشغل كل مُحبّه
:) الله يجمعج بمنو تحبين
أنا ما جيت أحنن
قلبك علي
جمله تعور
وطالعه من احساس قوي
ابدعتي
حلم بسيط في كلمات جميلة
من إنسان مفعم بالإحساس
إلى إنسان أتمنى إنه
يعي ويدرك هذا الاحساس
صح لسانكم
ودمتم بحب وود
اخـر كلامي اسمعة
كـل الخيـال المعجزة
صعبة يصير
بواقع الكذب الكبير
وانا وربي ماكذبت الا علي نفسي انــــا
وصدقت لك نفــسي انــــا
وخسـرت لك نفســي انـــا
كــنت اتبع اكبر معجزة
ممكن تصيــــر
ويأللأســـف صعبة تصير
أثــر الخيـال اللي سرقني
خــلاني ابحـث للضيـاع درب وداع
ويـــني انـــا
وأشــلون ارجع مـن جديد ....
::::::::::::
رائعه تلك الكلمـات سيدتي
نابعه من قلبك صادق
وبدا من داخلي يرحل
عظيم هذا المقطع
Post a Comment